Teclado Galego é totalmente gratuíto. Non tes nin terás que pagar por el.
Nútrese do Teclado AOSP (Android Open Source Project) de Google, polo que inclúe todas as vantaxes do software libre. Úsao sen límites.
Permite escribir no teu dispositivo sen preocuparte das faltas de ortografía e dos erros parvos que se cometen ao escribir rápido. Ademais ten un deseño moi intuitivo e doado de usar.
Forma palabras facendo correr o dedo sobre a pantalla, unindo letras. Por fin poderás facer malabarismos e escribir de xeito sinxelo cunha soa man cando veñas cargado coas cincuenta bolsas da compra.
Canto máis empregues o teclado máis te coñecerá, mellorando así a súa capacidade preditiva. Suxíreche palabras a medida que vaias escribindo.
Escoitámoste para seguir mellorando o noso dicionario e dar un mellor servizo. Envíanos suxestións, a túa opinión é importante.
É unha aplicación para dispositivos Android que nos permite escribir con corrección ortográfica en galego.
Xorde a partir do Teclado AOSP de Android pero incluíndo a lingua galega.
A nosa principal diferenza é o noso amplo dicionario de palabras e que ademais temos nome e apelidos e estamos abertos a futuras modificacións e actualizacións.
Si. O teclado inclúe castelán, inglés e portugués ademais do galego. Podes cambiar dunha a outra facilmente mantendo pulsada a barra espaciadora.
Isto ten fácil solución. A aplicación do Teclado Galego Android debe estar en memoria interna, e non en memoria externa.
A protección de privacidade dos nosos usuarios está totalmente asegurada xa que non almacenamos nada do que escribas.
Activa o Teclado Galego e acepta o recadro de atención.
Desactiva "Usar idioma do sistema".
Activa a lingua galega, así como as que foran do teu interese.
Pulsa no recadro no que queres escribir.
Selecciona o Teclado Galego mantendo pulsada a barra espaciadora, ou a través da barra de notificacións(Selecciona un método de entrada).
